GOOKAPI
2024-12-23
Gookapi: Etxeko txikienentzako euskarazko plataforma interaktiboa
Etxeko txikienei zuzendutako eduki interaktibo eta dibertigarriak bilatzen ari bazara, Gookapi aukera pategabea da. 0-9 urte bitarteko haurrentzat pentsatutako plataforma honek, webgune eta APP formatuan eskuragarri, euskarazko edukiak eskaintzen ditu, haurrek ikasi eta aldi berean primeran pasa dezaten.
Zer aurki dezakezu Gookapin?
Gookapik askotariko edukiak eskaintzen ditu, haurren interesa pizteko eta haien garapen kognitibo, sozial eta emozionala bultzatzeko:serieak, jokoak, abestiak, koaderno didaktikoak…
Besteak beste, Liz iratxoak haurrak eskulanetan, esperimentuetan eta sukaldaritzan murgilduko ditu. Mithy Esploratzailea serie interaktiboan, haurrak biosfera eta naturaren edertasuna ezagutzeko bidaian murgilduko dira. Lanbide desberdinen garrantzia ulertzeaz gain, garapen jasangarriaren kontzeptua eta horrek dakartzan balioak barneratuko dituzte. Pintxo iratxoak, aldiz, etxeko giroan jarduera dibertigarriak proposatzen ditu, betiere klima-aldaketaren aurkako borroka eta ingurumenaren errespetua ardatz hartuta.
Haurren heziketa eta dibertsioa bermatu nahi badituzu, deskargatu Gookapi edo bisitatu bere webgunea.